今天笑一笑！有脆友發現某隻雀鳥斑鳩，在家中窗外的冷氣機位上築巢生蛋！豈料懷疑斑鳩的巢並不穩固，一秒變垃圾巢！結果，生出來在「Hea巢」中的蛋蛋全軍覆沒跌爛晒，看到心都痛埋。
脆友kai_cmneko日前在社交平台threads分享生活趣事，並有趣配文：「本身話大自然嘢真係唔應該干擾，就無搞佢哋。但佢個巢真係垃圾到癲！我媽諗住今日觀察吓佢哋點，結果全個巢啲蛋跌爛晒！好蠢！」
有圖有真相，相片中，只遺下了慘不忍睹的蛋殼，以及數支跌到凌碎的「巢屍」。
然後，樓主又上載多幾張圖片更新情況，笑指鳥巢「墜毀」時，僅得幾條樹枝，所以才稱其為「垃圾巢」。更因為該巢穴沒有任何保護性，樓主稱曾看到有藍鵲跟斑鳩媽媽打架，簡直是「零防零攻」咁話！
斑鳩疑築巢不穩蛋蛋跌爛晒｜網民反笑：動物界都「生仔要考牌」！
網民均一面倒被這個「垃圾巢」逗笑了，雖然蛋蛋Baby「團滅」好慘烈，但大家不怒反笑！
有網民形容鳥巢築得超級敷衍：「仲Hea過三隻小豬間屋！」
「這就是鳩hea的出處 ！」、「珠頸斑鳩出咗名好隨便！」
「所以雀巢鳩佔就係呢個原因，無心機整，索性搶人個巢黎住。」（果然有根有據！）
「都係一種物競天擇嚟嘅⋯⋯」
「巢都築唔好就嚟生仔😣，動物界都生仔要考牌。」
「等於蠢人唔好生仔一樣🙏🏽 。」
「佢哋四季都發情，以量取勝😂。」
圖片來源：kai_cmneko@threads