到酒店洗手間如廁，理應無論清潔度及舒適度均更勝一籌。有脆友卻在某酒店男廁，經歷一次超不快經歷！當該位脆友如常進入廁格時，竟然防不勝防，摸到廁格扶手中有異物，望真啲，竟然係嘔心的大便，有無搞錯！
脆友stephenlamwf日前在社交平台Threads公審酒店，痛斥嘔心事件！「我X你老X旺角XX酒店，大堂男廁廁格門把手同鎖全X部都係屎。」
樓主繼續嬲爆分享事件經過：「個廁所咁X暗，我入去睇都睇唔到，一手揸咗落去，閂咗門，就聞到我隻手咁X臭，先開電筒照吓咩料，唔照唔知，一照嚇X，一pat pat屎嚟嘅，我洗咗5次手先唔臭。」
好難想像一間本地的市區酒店，男廁廁格竟然會有便便！非常嘔心囉！絕對不能容忍！
酒店男廁屎屎驚現廁所扶手｜網民感激樓主犧牲小手：係你犧牲咗！我哋隻手先唔使中招
一眾網民完全體會到樓主的憤怒，一面倒幫口鬧爆酒店：「好玩唔玩玩屎！」
有網民真心感激樓主犧牲了自己的小手：「師兄，係你犧牲咗，我哋隻手先唔使中招。」
「你一隻手係屎，另一隻手不忘拍攝警世片，多謝你🙏🥹。 」
亦有網民認真建議樓主要作身體檢查，始終便便充滿了細菌，好恐怖！「喂認真喎，叫佢賠錢畀你做body check先，你唔知隻手會唔會有細傷口，又唔知啲屎會唔會帶咗啲乜嘢菌。」
「點解手柄會有屎？條友用手抆屎，之後開門🧐 。」
「兩格都有喎，明顯玩嘢！」
「好L癲🤮，酒店都有咁既野，仲衰過公廁！」
「朱古力色嘅屎，質地仲要溶溶哋。」
「有預感東張班XX， 呢兩日會報出嚟，影響大家食飯！」（全對，比個叻你！不過我們不會影響大家的!）
酒店男廁屎屎驚現廁所扶手｜酒店回應：已向警方備案以調查是否涉及惡意破壞
事後，帖文下日前已經收到該酒店的回覆，酒店回覆留言指：
「非常抱歉您有如此不愉快的經歷，我們對此高度重視，並衷心感謝您提出此問題。我們非常重視酒店設施的衛生與安全。
我們已即時安排同事徹底清潔及消毒有關設施，確保設施恢復應有的衛生標準，並會加強巡查，確保同類事件不再發生。同時，我們會嚴肅跟進事件，並就此事向警方備案，以調查是否涉及惡意破壞。
為協助我們詳細了解及跟進，懇請您私訊提供事發時間及聯絡方式。我們希望能直接與您溝通，盡快妥善處理。期待您的回覆，謝謝。」
短片來源：stephenlamwf＠Threads