人與動物的感情，有時真的妙不可言。近日看到窩心Post，位於鑽石山有網民長期看到男主人與狗狗在街上忘我「調情」，近日更在街上為企定定的狗狗梳毛毛，像極了愛情，難怪網民心都融埋！
經常在鑽石山出沒的貴婦狗「賓利」，原來在居民之間，已經成為了區內的明星狗！全因不少居民經常遇見小狗狗出沒，更目擊牠常與男主人「對峙」，時而撒嬌不肯回家，躺在地上「賴地硬」，又會與男主人擊掌，畫面極有愛！
脆友stella_mak日前發窩心Post，風趣配文稱：「邊個嚟認領返自己屋企人同狗狗，咁sweet.. 😆 」
片段所見，男主人細心在街上替狗狗梳毛，狗狗乖乖企定定受理，猶如一位小朋友，聽聽話話扮靚靚，互動畫面超得意！
男主人與狗狗在街上忘我調情梳毛｜網民大呼畫面超有愛：賓利係最幸福的狗狗
網民們一看到如此有愛的畫面，心中大大力呼喚愛！有網民更將這個主人與狗狗互動片段畫成一幅畫，非常窩心。
再有不少鑽石山街坊紛紛開心Share看到狗狗「賓利」的可愛足跡！
「之前坐車經過都見到佢哋！狗仔嗰時勁百厭跟住其他細路仔，主人係咁招手叫佢行都唔理🤣🤣，之後就有呢一幕出現 。」
「見個好多次，個男人好錫隻狗。」
「勁似小朋友。」 、「對腳仔好似熊熊咁，好可愛🤭。 」
「不如呢個位改做狗公園啦～唔養得狗，比人撘車望下都好！」
「哈哈！係哥哥同賓利😱🤣～賓利係最幸福的狗狗。」
「佢好似叫賓利。 佢阿媽叫法拉利🤭🤭🤭。 」
男主人與狗狗在街上忘我調情梳毛｜個別網民反感在公眾地方為狗狗梳毛
當然，也有部分網民對於小賓利在街上梳毛，有點意見：「公眾地方梳毛，唔洗喺屋企梳完掃，自私行為🤦🏻。」
「啲毛飛到執街都係。」
「點解養Poodle仲要喺條街梳毛...我見過養西摩同松鼠，就話屋企梳毛飛到成間屋都係啫，poodle又唔甩毛都要出街梳？」
「點解咁多人永遠只睇到人哋可能做錯嘅嘢，睇唔到溫暖感動人嘅一面。上網睇嘢係咪要判官上身？主人同狗狗感情好好。」
圖片來源：stella_mak@threads