搭搭吓巴士，竟然看到一隻小倉鼠也上車的奇景！有網民日前瘋傳片段，一隻奶油色的胖胖小倉鼠驚現在巴士上，幸得好心乘客和巴士司機靈機一動，用膠袋載起倉鼠。車長亦將倉鼠連袋放於「特別座位」，掛在車長位旁邊扶手，細心地開了口讓倉鼠呼吸，順利載牠一程，安全到達總站。
網民t_s.h上載倉鼠搭巴士的片段在社交平台Threads，原來一隻小倉鼠無端端「遊巴士河」：「咁大個仔第一次搭巴士有隻倉鼠走出嚟😳😳，我捉咗佢，搵咗膠袋仔暫時裝住交咗比車長，希望倉鼠盡快搵返主人🥹🥹🙏。」
多謝這位網民臨危不亂，幫忙拯救了小倉鼠。看到倉鼠瑟縮於巴士一角，狀甚可憐。
救倉鼠行動還未完，網民續笑指：「我全身上下除咗肝膽相照，義氣風雲，帶點戇直之外多出嚟嘅，只有膠袋一個😖，當我捉完佢放入膠袋之後，綁個結係有留生口比鼠鼠唞氣；同時好多謝司機哥哥好專業，處理呢一程車上面發生嘅小插曲！」
網民不忘為倉鼠報平安，指小倉鼠下車後，已經安全由愛協接手，希望主人盡快接回小倉鼠回家。
小倉鼠驚現巴士車廂巴士司機乘客合力營救｜網民激讚熱心人：和我搭車九巴暢飛哈姆共你
全靠一個白膠袋，小倉鼠得以保命，安全由巴士車長送達總站。網民激讚熱心人的善舉，並一面倒撐用膠袋應急方法做得啱：
「睇到有人話袋倉鼠係膠袋會好驚，又話透唔到氣就覺得好好笑😂，咁一係叫妙麗黎念浮空術囉🤷🏻♀️，再唔係變個箱出來囉🧠🤌🏻。」
「主人到底出現未？ 」
「和我搭車，九巴暢飛哈姆共你，主人快啲接我番歸哈姆伴你，心裏完完全全牽掛，聯絡182站尾。 」
「佢哋係逃脫高手，唔知係咪有人大頭蝦漏咗。」
小倉鼠驚現巴士車廂巴士司機乘客合力營救｜車長回覆：留咗好大個窿俾倉鼠唞氣
事後，當日有份拯救小倉鼠的巴士車長亦有留言，似是澄清有網民質疑用膠袋盛載着倉鼠的做法不當：
「我就係182車長，叫用袋袋住係我叫既，我架車就唔會有箱，亦有試過擺佢係我地擺水樽嗰度。但佢爬出黎，無辦法之下，就唯有咁樣紮住佢，留咗好大個窿俾佢唞氣。佢哋安全到咗愉翠苑，落車仲好生猛。」
多謝各位好心人，整件事好有愛。
影片來源：t_s.h@Threads