香港人營營役役，為生活奔波，日常生活不是趕車返工便是上學，分秒必爭咁話。有時趕時間，背包趕唔切上港鐵，被車門夾着更是常事，不過呢位師兄的背包，又看似夾得幾舒服咁噃！
網民在Facebook專頁「車cam L（香港群組）」發文，有趣寫上：「一個唔覺意夾住咗？」
是咁的，圖片所見，一個黑色背包，無辜辜地可憐落單了。究竟是慌忙趕返工，背包跟不切主人入車廂，抑或是車廂乘客上班累了，特登借了車門力量，讓背包稍為歇息呢？
答案就不得而知，不過看到背包旁的兩位乘客，似笑非笑的笑容，畫面相映成趣。
趕時間返工背包趕唔切上車抑或自動掛勾歇息站｜網民助攻：仲閂到門都算好嘢
網民又點睇這個可憐背包呢？「自動掛勾😍。」
「下個站開始開對面門😂。」（喂喂喂，不要太搞笑。）
「唔知幾時先開到。」、「送貨到下個位最佳方法？？」
「睇落應該屬於藍衫個男仔嘅😆。」
「仲閂到門都算好嘢🤣🤣🤣。」（你又啱噃！）
「隔住個mon都聽到恥笑聲！」
「我見過多年前馬鞍山線(現稱屯馬線)一列列車車門夾住報紙。」
最後背包下場如何呢？歡迎話比小編知！
圖片來源：Facebook專頁「車cam L（香港群組）」