巴士的禮儀，重要的事說三次！巴士車廂的走廊通道嚴禁坐下。日前有脆友發文在社交平台公審，稱多位年青人，疑是某一晚觀賞大型盛事後插隊上巴士，更自顧自地坐在車廂地下，大聲叫囂兼任意喝飲料，完全犯晒禁，要派嬲！
ikkuywal在社交平台threads公審一群年輕男女，嬲爆配文：「我知Complex Con 大家都好攰，又插隊又坐地下， 巴士司機都睇唔過眼，忍唔住用普通話開咪；「後面的人請勿坐地板」，跟住你眼望我眼，死死地氣企返起身😀。」
原來如此，重點有三個，一群年輕人，插隊上巴士；上到巴士任意坐地下；巴士司機用普通話開咪，做得好！
年輕男女插隊上巴士兼坐地下 司機普通話開咪收服｜網民一致派嬲：真係見識少未見過有人坐地板
帖文一出，網民群起派嬲。巴士的禮儀，相信只有一少部分乘客「扮唔知」。
「其實佢對腳係咪天生有問題企唔到！」（好問題。）
「我真係見識少，坐咁多年巴士，我都未見過有人咁樣坐係巴士地板到。」
「果然係一班渣人。」、「畫面好肉酸。」
「其實好想提提佢地，地下真係好污糟。。。」
年輕男女插隊上巴士兼坐地下 司機普通話開咪收服｜雙方狠批罵戰：換了外國人司機出唔出聲？
不過，亦有網民稱，沒有巴士禮儀的，不只是操普通話的遊客，雙方各持己見：「都係做同一樣嘢，點解香港人唔歧視西方人。」
「換了外國人，司機會唔會出聲呢？」
「外國人坐地下都唔啱喎，但唔代表大陸人坐地下啱囉，咁外國日日咁多人死，係咪都要學吓？ 」
當然，好司機還是獲得不少掌聲的：「要讚個司機。」
「司機已經細細聲講話踎都算啦，仲要坐。」
圖片來源：ikkuywal@threads