巴士可算是上班族上佳的代步工具之一，舒舒服服，順利到站。你有沒有想過，搭巴士都可以遇着「腦霧」司機，一段車程慘食驚風散？
一位乘客ms.lionheadrabbit在社交平台分享一則驚魂巴士奇遇記：「好癲😵💫，搭搭吓九巴87D，女司機一路揸揸吓，去到拔萃男書院附近，唔知係咪cut錯線定點，突然間勁大聲話唔識揸，話自己唔知點去尖沙咀、唔識路🫣。」
「有口音嘅女司機不停問：而家行邊條線？轉左定轉右？邊個路口轉？下層乘客呆咗，有乘客大聲嘗試教佢點行，轉左定右、行邊條線，巴士就開始慢駛，但飛埋站😨。」
最爆破是女司機的反應！「有個阿叔忍唔住，叫女司機起身坐落嚟抖抖，話佢幫手揸！最誇張係女司機好似猶豫緊，似乎竟然想應承😳，真係想俾乘客揸？」
「有乘客不停打去九巴熱線；撳鐘又唔停，站又飛咗！無啦啦窩打老道駛去亞皆老街，再慢慢出返彌敦道。乘客一路教佢揸，叫佢睇吓有無人要落車，點樣泊返埋站…… 又有乘客安慰佢：唔好緊張！最後去到尖沙咀司機再飛站，要行返轉頭😅。」
嘩，小編只是看到文字，已經慘吃驚風散！一程平凡的巴士路上，遇着這個不平凡的女司機，難得所有乘客都較這位女司機鎮定和冷靜，完美發揮互助互愛精神，幫忙指路解困、安慰司機，十足十業餘教車師傅一般，雖然巴士中途飛了無數站，不過仍是抵讚！
「腦霧」車長突斷電唔識揸巴士｜乘客全程帶路助解困：報東張！唔識揸大癲 成車人啲命係你手
換轉你是乘客，你會怎樣助司機解困呢？
「即日已經報咗九巴bot1933，期望日後加強車長嘅培訓同應變能力！」
「都唔知請埋啲咩人返嚟！」、「87D一條直路都唔識揸🙈，好痴線。」
有行內人士參與發表：「其實佢請咁多新港人，完全唔識路，我工作係交通管理，試過揸雙層九巴司機，行吓停吓，跟住上車問佢有咩問題，原來佢唔識路。」（聽到都覺得好不安心的說。）
「報上東張啦，等九巴唔好再亂請人！」
「我會叫佢埋站停低唔好再揸。」、「點可以比客揸呀😂！」
「司機唔識路，唔係應該停低call台咩？」、「主要係訓練不足。」
另有網民關心巴士車長的身體狀況：「其實司機會不會身體有狀況？不知道會不會是短暫性失憶症之類，腦中風？覺得乘客們好好，有安慰司機。」
「支持報東張，唔識揸真係大癲，成車人啲命喺哂你手。」
資料來源：ms.lionheadrabbit＠Threads