一位善心女在巴士站竟遇到一段幸運經歷！在等巴士期間，居然有數張「自來錢」飄來其腳邊。善心女第一時間路不拾遺，將現金交到警署。轉眼三個月過去，「自來錢」又出現了，莫非注定要送給這位善心女？
該名善心女早前在社交平台threads問各位大神集思廣益，並道出事件始末：「集思廣益時間，話說三月前喺巴士站等巴士，突然有三張紙幣飄埋腳邊，拾後拎去警署報案。啱啱昨日警署打嚟話無人認領，叫我領取返三張紙幣，點樣處理呢筆突然之財好呢？」
樓主更提出了兩大方案：
1) 有人話要全數捐咗佢，因為怕承繼上一個人的衰氣，唔好留身邊；
2)有人話入過警署，過咗法定期，錢合法屬於我，無所謂可以留身邊。
看看樓主上載的圖片，三張紙幣分別為一張500元、一張20元及一張10元，是合共530元「自來錢」。
而樓主亦有在帖文中補充： 「呢排生活確有小壓力，要放no pay leave，亦有啲代支的錢未回到，點做好呢？」。
確實是人生交叉點，大家遇到「自來錢」，又會怎樣處理呢？
等等吓巴士突飛來「自來錢」意外之財點處理？｜網民一致認為善心女好心有好報要收咗佢！
帖文一出，網民們均替樓主高興，更認為這是「善心錢」，因為樓主好心有好報，鼓勵善心女慷慨收下。
「自己用啦無問題。」、「真係有需要就用咗佢啦。」
「個天幫你度過難關，你收咗佢啦。以後你再返工，有錢返你再捐啦！」
「做人唔好咁迷信。」 、「可能上天見到你的善良。」
「幫補自己先啦，係你誠實而來，你應得的。」
「入咗警署有皇氣，唔怕有衰氣！」
另有網民建議善心女買六合彩，如果中彩票，都叫做了善事，一舉兩得咁話。
圖片來源：poki_lee0225＠Threads