不少港人覺得中式酒樓，是上了年紀至愛。不過由於酒樓普遍不限時，閒時來個一盅兩件、吃吃點心，嘆杯熱茶，也是舒舒服服用膳之選。不過，近日卻有酒樓打破傳統，張貼了「溫馨告示」，稱繁忙時間酒茶有限時，最短更僅得一小時需要還枱？
中式酒樓，是少有香港地普遍不設限時的用膳地方。不過，近日有網民發現，某間酒樓卻打破不限時這個傳統！網民在社交平台發文，並稱：「估唔到而家一個人，一盅兩件都唔可以坐太耐了。」
原來，樓主拍攝到酒樓的「溫馨告示」，清楚寫明繁忙時段，枱位有限。告示更列明由4至8樓茶客的飲茶時間分配，4位以下需於一小時交枱；5至7位需於一小時十五分交枱；至於8位以上，則需於一小時三十分交枱。
換言之，即使是8位以上的茶客，繁忙時段也僅得一個半小時用餐時間，簡直跟團一般。
酒樓飲茶有限時咁趕客｜觸動網民神經勁反感：咁好生意我唔阻佢 當自己茶記？
網民們看到此段告示，當然觸動了神經，大多表示反感：「有無咁好生意，當自己茶記。」
「老實講，飲茶一個鐘真係太短，啲水又熱，點心入紙蒸都要20分鐘。食得趕過茶記，90至120分鐘合理啲。」（用家分析得好有道理。）
「所以唔怪得咁多人北上消費，你要我食餐飯食到職工盟用膳咁款，我寧願買兩餸飯食。」
「老人家退咗休，寧願去酒樓坐幾個鐘，都唔想留喺屋企，有無諗過佢哋感受！」
「去飲茶，就係想同朋友家人慢慢傾吓計。」
另有網民曲線揶揄：「佢生意咁多，我唔去阻佢了。」
不過，亦有少部份網民體恤酒樓做法，並幫口說此間酒樓食物質素上佳：
「得佢一間真係可能好忙。佢啲嘢真係好，同埋有啲傳統點心，希望繼續做落去唔好執。」
「勁，咁都睇到，佢地啲姐姐真係幾好，嘢食OK。」
「各有各難，生意難做，茶市一向無太多盈利，全靠晚市酒席。早茶客人一百幾十坐幾粒鐘！」
圖片來源：Threads