西灣河地標豪宅，昨晚一度傳出「災難級」事件，更要勞動消防出動「災難應變救援車」到場支援，源於有住客聞到鄰居傳出強烈異味，最後終發現異味的元兇，竟是一隻可愛貓咪，這場大烏龍會否太好笑！？
貓奴szeewing311在社交平台發文「自首」，說家中的元兇「小虎惹禍」，娓娓道出事件始末：「話說溫溫吓書，無啦啦收到媽子message加句小虎惹禍，嚇到我，唔通小虎出事定屋企燒咗……
以下是節錄對話：
👩🏻: 隔籬屋報警
👩🏻: 話我哋屋企好臭，佢哋好驚要即刻報警
👩🏻: 我喺出邊食緊飯🫠
👩🏻: 嚇死，我以為屋企燒咗
樓主道出事件過程，真的有夠「驚險」：「出動咗兩架消防車、一架救傷車，以及十幾個消防員，以為開門會見到屍體或者起火，點知係得屎同埋一隻貓，真係辛苦晒佢哋了😮💨。」
不幸事件，一件都嫌多，我們應該慶幸沒有事發生。這宗「小虎惹禍」的烏龍事件，沒有造成連環不幸，只有愛貓小虎留下的「蘇州屎」，哭笑不得，還是幸運的。
不過，元兇小虎一夜成名，看來還是嬲嬲豬咁噃！
豪宅單位傳出異味鄰居報案 出動「 災難應變救援車」｜眾貓奴笑到反肚：小虎嘅屎係生化武器？
虛驚一場！不過各位貓奴笑到笑晒肚都似！
「小虎同你隔籬屋都不得了😂。」、「無諗過小虎嘅屎真係生化武器😂。」
「隔籬鄰居會唔會誇張咗？」、「笑死，希望鄰居唔係小小事就打3條9嘅人😆。」
「濕癖L表示：噤樣成村人入一入屋周屋行，又要全屋抹一次清潔一次，真係喊出嚟！」
「究竟有幾臭會令到鄰居報警？🤡」
「你鄰居弱智定低能？貓屎味都要call消防車！ 呢個世界真係會有人分唔到屎味同燒燶嘢味？！」
「我試過隔離屋報警，話我屋企傳出漏煤氣味，當時出咗街無人應門，然後一返到屋企，見到成班消防員上晒嚟，點知係屋企啲貓山王惹事😅 ！」
唯有學這位網民咁阿Q精神：「對消防來講幾好，無人有事+無事發生+有得睇貓！」
短片來源：szeewing311@Threads