外賣成風，足不出戶可以吃到美味餐點，便捷又慳時間。有些食客想保持食物運送過程無污染，並可能涉及個人私隱問題，會選擇「無接觸送遞」服務。不過近日一盒外賣薄餅，居然考起了外送員，要出動民間智慧？
該位外送員Didier Leung，在社交平台分享自身送外賣奇遇，並作出溫馨提示：「麻煩各位客人，叫咗Pizza外賣，千萬唔好以為一定可以幫你掛到門口🙏🏻。因為餐廳未必有咁大既膠袋套到個Pizza。
今次我執到條繩，幫你掛門口.......但你唔肯應門開門，又唔肯聽電話！如果我執唔到呢條繩，就可能要擺地下了🙏🏻。今日落雨門口成地水😂😂，點擺地下。」
分享完外賣經歷，又是的，原來外送員少點智慧送餐也不行！的確不是每間餐廳有薄餅外賣膠袋，若果選擇「無接觸送遞」服務的食客，就要份外注意了，長知識是也。
外賣薄餅「無接觸送餐」考起了外送員情急生智｜網民熱議：條嘢係咪垃圾桶執返嚟！
大家似乎也明白外送員的難處，不過網民們對外賣員拾到一條繩來固定薄餅在門把上，反應不一，引來熱烈討論。
有網民揶揄：「放地下OK啦！」
「掛到上去就掛，掛唔到就擺地下，話之佢門口有無水啦！」
「老老實實，條嘢係咪垃圾桶執返嚟！」
「擔唔擔心個客都會話條繩唔乾淨？」
「你呢啲就係做多咗。」、「真係服咗你，做勞作咩」。
「真係多得呢啲唔接電話，又唔開門的西客！好憎送呢啲人！」
「袋餐好重或袋好薄和紙袋，掛不到會穿！又不可以放地下，叫人點做？」
所以呢，亦有不少網民稱讚外送員的送餐做法，是負責任的表現：
「盡責表現👍。」、「師兄好細心。」
「師兄好人。」、「做得好，都唔明點解啲人仲可以挑剔你。」
圖片來源： facebook專頁「KeeTa外賣關注組」