果然是貧窮限制想像！日前有網民揭發光怪陸離事。在堅尼地城的一角地上， 發現了一「舊」金光閃閃的一千大元「金牛」大鈔，望真點，WHAT？這張「金牛」大鈔竟像垃圾一般隨便被人扔掉，到底是什麼原因？超奇怪。
網民cornergod2_hk在社交平台Threads憶述此宗怪誕事件：「港島人係咪真係有錢到咁？😅堅尼地城跑跑吓步，見到張1000蚊紙。原來有條友（有錢人）用咗嚟包香口膠。利申：放返咗喺地下😂」。
原來一張一千元大鈔皺呼呼的被扔在地上，是因為有人把「金牛」當紙巾，包着香口膠扔掉！果然顛覆了大家對「金牛」大鈔的認知。不只怪異，成件事還好弔詭。
一千元「金牛」當紙巾包着香口膠隨地扔掉｜網民笑指堅尼地城吖嘛 唔係點會「堅離地」
大家看到好端端的一千元「金牛」被人當垃圾，究竟拾起唔拾起好呢？大家紛紛求拾起「香口膠金牛」的心理陰影面積！
有網民坦言看到這張千元大鈔包着香口膠，已經好核突咁話：「咁核突🤢，樓主用手拎起咗已經好勇敢」。(這位網民明顯視錢材如糞土！）
但更多網民聲稱這件事確實好奇怪：「咁有公德心包起嚿香口膠，但又隨地掉，好矛盾，成件事好怪！」
「$1000+香口膠+隨地棄置，成件事都好迷惑！」（無錯，完全看不透。）
「堅尼地城吖嘛。如果唔係點堅離地！」（金句！金句！）
「堅尼地城有堅離地人做堅離地嘅事」。
「紙巾係窮人用」。「飲醉咗？」、「呢1000蚊當小費！」
「練功券嚟？」、「有假錢？」
一千元「金牛」當紙巾包着香口膠隨地扔掉｜路不拾遺之爭 網民：尊嚴係一千蚊面前唔應該有！
另外，有網民亦善意提醒，叫樓主最好不要拾起街中的金錢：「唔好執，聽過有人執咗之後身體越嚟越差。」
「邊有咁大隻蛤乸，有機會係邪術㗎，千祈唔好執。」
當然，有網民笑指大拿拿一千元，無論點都會拾起，「尊嚴係一千蚊面前唔應該有！」
「唔係話香口膠，包咗屎我都照執」。
圖片來源：cornergod2_hk＠Threads