本地飲食業經營環境低迷，近日再有人氣店傳出結業消息，食店類型擴展至燒烤場！大埔人氣燒烤場「鴻運燒烤煌」在社交平台專頁宣布結業，並經營至本月26日。
大埔人氣燒烤場「鴻運燒烤煌」是區內一間港式自助燒烤場，地方偌大，與時並進，燒烤場除了向來以原隻乳豬聞名以外，又不時為場地引入新設施，如星空房、嬉水池、充氣城堡及跳彈床，更可以租借獨木舟等水上設備，多年來深受親子家庭客歡迎。
「鴻運燒烤煌」日前在其社交平台官方專頁寫上短短數句，跟大家說再見：「多謝大家多年光顧及支持，有缘再聚！👋👋。我們將營業至本月26日。」
燒烤場突然宣告結業，最惋惜的一定是區內一群家庭客粉絲。
大埔燒烤場鴻運燒烤煌宣布4月26日結業｜家長客街坊感唏噓：香港真係變咗死城
結業潮席捲全城，最唏噓莫過於一班仍留守本地吃喝玩樂的街坊：「每年年初三都嚟燒嘢食，地方夠大，有得燒嘢食，又有得俾細路玩吹氣及彈彈床，啱啱今年孔雀開屏🦚，嚟緊啲動物去邊啊？如果再重新出發，記住通知大家🥹！」
「咁短時間😓，可唔可以遲啲先執，我想嚟。」
「很可惜呀，我同小朋友都很喜歡這兒， 食物又好食。」
「早兩日先去過, 食物好食👍🏻，祝福🙏🏼。」
「好多人都只係返內地玩呀嘛！車錢都係度啦！」
「仲諗住book番次玩獨木舟+BBQ添。」、「仲諗住去睇多次孔雀😣。」
「咁大個場都係得20個客左右，執笠對老闆來講都係一種解脫嚟，只會越執越多。26號星期日最後一日，我會再來支持，有緣再聚。」
「😵💫😵💫😵💫。。又無一個地方玩。。。香港真係變咗死城。」
「可惜吖，這裏是小朋友生日會其中一個指定地點。」
有網民風趣反建議：「開返打邊爐！」、「秋天先再開囉。」
圖片來源：「鴻運燒烤煌」facebook官方專頁