小朋友不時享受「電子奶嘴」，出街看手機看得出神，一個唔該，錯跌了手機於扶手電梯之外，今次GG了！當「乖仔」以為要被捱罵，好爸爸不怒反笑，還落力處理眼前的電話危機，被網民一致激讚有耐性！
網民shameoiy日前在香港站看到奇景，上載至社交平台，並搞笑配文形容：「仔，我雄唔雄武吖！？」另補充片中人是在「香港站跌咗部電話落電梯嗰度。」
今次尷尬了！小編看片段推斷，應該是身穿黃色衫的「乖仔」不小心錯跌了電話，好爸爸不單只沒有嬲怒，還九秒九使出九牛二虎之力，在一路滑後的扶手電梯之中，反其道而行，逆流而上，試圖在電梯夾縫中，拾回屬於自己的手機寶物。
事件結局不得而知，不過一條短短的片段，已看到身形略胖的爸爸，出盡奶力冷靜處理一場「電話危機」，簡直是禮貌而不失微笑，大家也替你肉緊！
乖仔錯跌了老豆手機於扶手電梯｜網民激讚世一爸爸有耐性：尊重佢無大吵大鬧盡力去做
這位世一爸爸，完美展現了他的父愛和耐性，獲網民一致激讚有耐性！
「做咩唔放個細路去執呢？」（你又啱噃！）
「個仔愈黎愈遠，電話又愈黎愈遠🤣 。」（小編笑了。）
「其實以佢個體型再加埋努力都算係咁，起碼好多吓都掂到部機，只係執唔切。如果部機係個仔嘅就更值得尊敬，起碼佢唔係鬧咗仔先。 」
「個個都笑佢，但我尊重佢無大吵大鬧盡力去做，比我會提佢搵職員幫手。」
「呢個training 好functional🤡🤡，想設計俾學生練！」
「原來唔洗去24/7都可以跑機😂 。」
「執完電話減咗900卡路里！」
事件還有後續！據留言報告手機的最新消息，「條片最後有位高人，伸手落去幫佢執返。」皆大歡喜了！
影片來源：shameoiy@Threads