健康蔬菜，吃多有益。不過不少蔬菜難免會有菜蟲，未處理時已經好驚嚇！有網友在社交平台分享遇見西蘭花「蟲蟲大軍」來襲，網上請教各路大神，點樣洗西蘭花至好？
網民cookaa.ss近日在社交平台Threads求救，點題為「西蘭花有蟲」，有圖有真相地配文：「成日聽人講，西蘭花好多蟲🐛，今日終於比我見識到😱。
我，切好晒，浸水一個鐘，中途換水三次，烚緊時候就見到好多蟲浮出嚟‼️。諗住可以沖水救得返，點知沖極水都仲有😵💫。有無高級大人可以請教，點洗西蘭花🙏🏻🙏🏻！」
樓主明顯受到驚嚇地補充，「俾佢嚇一嚇，以後出街唔敢食西蘭花🙅🏻♀️，短期內都唔會自己煮。」
看樓主的圖片，西蘭花「吐出」的蟲蟲大軍果然不少，不過經網民提醒，有另一項重要提示更需注意。
西蘭花「蟲蟲大軍」來襲好驚嚇！｜各路大神獻計清洗西蘭花大法：梳打粉係洗菜好朋友
各路大神是時候出動，紛紛獻計檢查與清洗西蘭花蟲蟲大法！
「以我嘅經驗，多數都無乜蟲嘅，但係如果有嘅話，會勁多……多到你可以放棄棵菜！」
「基本上有呢隻黑色蟲嘅就可以直接掉，你唔會清得晒。所以買嗰陣睇清楚，其實都易見到。」
「你買嘅時候反轉睇吓，通常見到已經有蟲仔結繭嗰啲，就即係成棵都好多蟲。」
「你可能唔明，點解西蘭花係蛋白質最高嘅蔬菜。」
「唉，啲蛋白質沖走哂。」
「唔緊要啦，煮熟咗都係protein啫。」
「所以我唔鍾意食西蘭花，椰菜花會好啲，我無試過食椰菜花有蟲。我通常喺啲水放啲鹽去浸呢啲菜花，有蟲會走哂出嚟。」
「梳打粉係洗菜好朋友。」、「 我放梳打粉洗，西蘭花好多農藥。」
「實在太誇張，我都經常食西蘭花，但未試過你呢個情況，我揀西蘭花嘅經驗，盡量揀啲細花冧嘅西蘭花，花冧大就容易有蟲！我會先用高壓龍頭噴洗，之後浸水三次，每次10分鐘即可！ 」
果然長知識了，希望幫到這位樓主啦！
圖片來源：cookaa.ss@Threads