好人好事，幾多都不嫌多！大埔人出名有愛，小小的舉手之勞，更要表揚。有網民在某日繁忙時間，看到港鐵接駁巴士有職員在下雨天為排隊乘客打傘擋雨，舉動超抵讚。
有網民在Facebook專頁「大埔 TAI PO」發帖文，並附上窩心圖片一張，稱讚眼前一片好人好事：「抵讚！朝早繁忙時間，K17站有港鐵員工幫手睇排隊。近排送仔返學轉咗搭K17，呢個舉動喺落住雨嘅情況下，真係抵讚，加油！」
圖片所見，一個繁忙時間的早上，有接駁巴士的港鐵職員，為排隊中的乘客打着傘子遮擋雨水，免得乘客們淋濕上巴士；而其中排前面的乘客是一位老婆婆和老伯伯，行動非常貼心。
K17是大埔一輛港鐵接駁巴士，為區內的重點巴士路線之一，經常有人潮。一件小事得來，顯得特別窩心。
接駁巴士職員下雨天為排隊乘客打傘擋雨｜街坊印證：要加佢人工啦！
港鐵巴士職員的善舉，更得到善心街坊印證畀Like：「每日都搭K17送返學，呢個哥哥仔好細心。」
「要加佢人工啦」、「做得好。」
圖片來源：Facebook專頁「大埔 TAI PO」