[趕走Blue Monday] 邊境牧羊犬生日衫仔意外與垃圾桶撞色 狗主：變咗「狗屎垃圾」

 
今天是星期一，是時候看看可愛事，振奮心情！邊境牧羊犬是聰明狗，好多人都知，不過聰明的形象，竟然被主人一秒打破！媽咪，點得先！？

狗主jac_kollie日前在社交平台分享「邊牧」趣事，話說：「老母買咗件衫返嚟俾佢，今日行行吓發覺，佢同個狗屎垃圾桶撞色😭😭!😭😭sorry bro😭😭😭，今日仲要係佢生日😭！」

OHNO！我堂堂一隻「邊牧」今天生日，明明生日有新衫，竟然和動物專用垃圾桶的顏色撞到應一應，紫藍對鮮橙色，我仲駛出去威？！

樓主雖然弄出大大笑話，不過依然貼心地補充：「佢係因為對植物皮膚敏感，所以去草地或者潮濕都要着衫。」

邊境牧羊犬生日衫仔意外與垃圾桶撞色應一應｜網民笑到爆廠：狗屎垃圾桶同款！  

一眾愛毛孩的網民們，幾乎全部大笑了！完美疾走Blue Monday。

「一開頭以為你鬧狗屎垃圾，點知佢真係一個狗屎垃圾桶🤣🤣🤣 ！唔緊要，佢眼神仲係快樂小狗。」

「阿媽玩X你喎，bro😅  ！」、「狗屎垃圾桶同款！」  

「生日快樂🎂🎊 ，快啲帶媽咪返屋企換過件衫再出去玩😂  。」

「生日快樂，雖然你老母跣咗你一鑊，但你Carry 得好好，好可愛 🤭🤣😂  。」

「邊牧好聰明，同埋你隻狗好Cute ！」、「其他品種嘅狗狗可能無乜嘢，但邊牧係邊牧😂 。」（就是囉，我是邊牧好無！）

「等我買件差唔多樣，睇吓佢會唔會定咗格唔郁先。」

「搞到我無曬形象💢😤 ！」、 「難怪熟口熟面 🤣  ！」、「成個垃圾桶咁😳😳  ！」

「我覺得隻狗feel到自己同個狗糞筒同色喎😳，🙈🙈🙈🙈🙈佢個眼神係話，媽咪玩嘢喎，今日仲係我生日😳  。」

「唔緊要啦，睇佢笑容都應該好滿意 。」

圖片來源：jac_kollie@Threads