本地餐廳外賣食品質素，確實有點參差。有網民在外賣平台點了茶餐廳的食品，赫見其中幾隻雞翼根本未熟，十足十「血淋淋」的上碟，見到都食唔落！難怪樓主堅嬲！最嬲的是，涉事食店竟然拒絕退款？
這位「堅嬲」網民，在FACEBOOK專頁「香港茶餐廳及美食關注組」發文公審某間本地餐廳，配文指出：「堅嬲，影晒相，咁都可以拒絕退款😑😑。」
難怪難怪，大家看到幾隻未熟的雞翼已經O晒嘴，血紅色甚至有血水滲出，點食得落口？當樓主在外賣平台要求涉事餐廳退款時，客服轉述餐廳的回覆竟是「已經出餐」，並不承認食物品質有問題為由而拒絕退款，真的嬲上加嬲！
茶記外賣點餐「血淋淋」雞翼睇到l唔開胃｜涉事餐廳拒絕退款網民嘩然：報食環！
帖文一出，引起網民熱議，網民們齊聲提議樓主「報食環！」
「報食環得啦，唔洗佢賠俾你，佢一日做唔到生意都已經係度，到時貼佢被封，心都凉埋。」
「報食環署啦，跟住話肚痛入醫院！」
另有網民揶揄餐廳：「證明自己不是預製菜」。
今時今日，這樣的服務和食物質素，真係不太好噃。
圖片來源：FACEBOOK專頁「香港茶餐廳及美食關注組」