有沒有想過，有一天，你會幸運地坐上「貓專車」，有隻超可愛貓BB與你同行，有份載你直達目的地呢？
網民ha.ka444在社交平台threads分享窩心短片，貓奴必愛！片段配文寫上：「一上車，我以為眼前係一隻貓公仔，點知下一秒，司機摸佢個頭：瞓醒啦？」
「我：😱😱😱竟然係真BB貓！好得意呀！
司機：我第一次養貓，想時刻睇住佢陪住佢（sweet到爆炸）
一等燈，司機就會即刻摸佢同佢講嘢（果然男人對住貓，會展現最溫柔的一面包括聲線🙂↔️。）
真係sweet到！我覺得自己喺後面阻住晒！」
明晒，簡直看文字都知道好有愛，兼且漏晒糖，世界只得司機和貓Baby一般。片段所見，確實有一隻非常細小的貓B與主人同行，一起接載乘客到目的地。貓B在車箱中舉止乖乖，僅作有限地郁動，眼裡還是只得主人。
乘車看到貓B同坐秒變「貓專車」｜貓奴熱議：司機窩心但要注意路面和小貓安全
帖文一出，引起眾貓奴起哄，普遍網民大呼片段主人與貓B同行，形影不離甚為窩心；不過，亦有不少貓奴擔心貓B的安全。
「啱呀！我隻貓BB時候我太忙，無俾佢試吓習慣出街，而家日日返工，出街只可以睇cam🥹。」
樓主引述該Uber司機留言：「我想佢早啲習慣出街，唔好咁驚，咁我就可以帶佢去好多地方。平時見唔到佢，就會長期睇住屋企cam，好驚佢食唔飽，又驚佢跌親整親 …（sweet到好似喺我面前切緊洋蔥咁）。 」
「點樣call有貓的士？😭😭😭 」
「司機有埋個軚盤畀佢玩，一人一個🤣 。」
「你下次留埋個電話，我想call呢啲的士，佢錫住貓，揸車一定會好安全，乘客放二萬個心都得 。」
「竟然識玩捉迷藏…好可愛喔🥰 。」
亦有網民顧及駕駛中的司機，以及不忘提點司機，要注意貓B的安全！
「勁危險！跳落油門或者煞車就會影響安全，真係要拎上車，都要綁繩或者整網格開。而且每個乘客上車都可以接觸到佢，即係增加佢病的機會。如果係一般成貓都算了，仲要係咁細嘅幼貓，抵抗力已經係差。」
「希望司機睇到！注意貓 B安全，最好上返繩，有水，有貓糧，有個安全嘅地位俾貓B活動。同埋人多，貓B咁細好易病，要打齊針。」
「如果乘客對貓敏感咁點？隻貓跳來跳去，騷擾到司機揸車，引起交通意外咁點？ 」
影片來源：ha.ka444@threads