大圍街坊注意！有「美猴王」出沒。有網民在facebook街坊群組發文，拍下猴子來訪的「證據」！這隻大猴子在民居的窗枝外，隔着窗猶如跟你打招呼，有點無奈，又有點搞笑。
街坊在facebook群組「顯徑連隆」發文，並分享感受和猴子去向：「各位顯徑街坊，記得關好門窗，今日大聖爺大駕光臨小弟屋企，俾佢嚇咗嚇🙈，最後佢爬水管安全落返去地下。」
大聖爺駕到！圖片所見，該猴子果然幾大隻，更加甚為上鏡地望鏡頭，非常吸睛。「參觀」完畢，自動自覺識趣離開。人類和動物，生活於同一個空間，其實本是可以共存。一於繼續你有有生活，我有我忙碌。
大猴子隔着窗枝向大家Say個 Hi｜街坊們不忘叮囑：謝謝你無傷害佢！
一眾街坊看到美猴駕到，大家都好有愛，均不忘叮囑樓主一件事！
「謝謝你無傷害佢🙏。」
「山上唔夠嘢食，佢哋都係無辦法先周圍搵嘢食😔。」
「千萬吾好餵，佢認得你單位，就日日上來找吃。」
「不干預，不傷害，不餵食，俾返野生動物順應自然，天生天養，就係最好嘅做法。」（完全認同。）
「人類令動物無處容身，大家和平共存才是正道。」
「其實佢都唔想，最大嘅敵人係人類嘅文明同自私，佢都係求生存。」
當然，也有個別網民唱反調的：「有班道德友扮愛護動物，根本就唔知道佢地係數量過多影響大，又話慘又話無地方住，你唔讓埋你間屋比佢地住？ 日日比馬騮干擾好慘，好多人仲唔理解。」
圖片來源：facebook群組「顯徑連隆」