好人好事，值得宣揚大大力推！好像以下有位有貓奴主人，就公開尋好心送貨大哥，原來因為對方及時「救貓」一命！速遞員事後窩心回應，更謙稱自己也是貓奴一名，只是舉手之勞，頭頂有光環。
看看這位網民jasper.chan的暖心帖文，道出事件始末：「我點都要出第一篇Threads，去感謝XXX的送貨大哥🙏。」
「事源今日返返吓工，送貨大哥打電話嚟，我以為係一般送貨通知，就話叫佢放門口先。
點知大哥話：啲貨就等陣先，你屋企隻貓出咗嚟喎！
嚇到我彈咗起身，即刻聯絡屋企人；原來係屋企人入屋，放咗佢出嚟又唔知。真心好多謝你呀，善良嘅送貨大哥！令我第一時間發現走失貓。邊個話香港人無愛心。希望呢篇文可以飄出去，俾送貨大哥睇到。」
學這位貓奴主人話頭，誰說香港人沒愛心？
圖片所見，樓主的灰白色貓貓，其實乖乖地伏在門口的貨物上；小貓咪，你是來看貨的嗎？只是過程中確實有點驚險，好彩貓貓僅是蹲在家門地上，半點都沒有走失，力保不失！
送貨大哥送貨到大門之際及時「救貓」｜速遞員窩心回應獲激讚：呢啲細心位最打動人！
帖文一出，該位速遞員的善舉，獲一眾貓奴大大大力俾Like！同時，主角速遞員亦有窩心回應！
「Hi，我就係送貨嗰個啦🤣，我自己都有三隻，而且之前隻貓都走失過，所以明白個心情。何況佢咁可憐望住我，我都唔忍心就咁走咗去啦😂！我見佢縮係門邊，個門牌又有個貓圖案，所以估應該係呢家人。至於大家好關心嘅奬勵問題，公司已經通知咗我，多謝老細🙇🏻♂️。 」
原來如此，一件小事，也可以是一件愛心事。 好人好事，要表揚。
「 XXXX 啲送貨哥哥，通常都好好人🫡 。」
「XXXX送貨嘅九成都好好，有交帶又有禮貌！ 」
「好乖乖留係原地，我個隻的話去咗撩貓打😑😑😑 ！」
「你主子好正😍😍😍 。」
「睇完劇透，只見隻肥騰騰的貓咪縮在角落，貓咪目光好無助咁....返唔到屋企個樣，好好笑囉🤣🤣🤣。」
「成日遇到你哋啲人都幾好🥹🙏🏻送貨辛苦晒，我盡量唔買重嘢。」
「呢位送貨大哥真係好有愛🥹。呢啲細心位最打動人！佢明明只係送貨，但一個電話、一句提醒，就救咗個家庭成員。」（講得好啱聽！）
「原來香港仲有人情味唔係口號，係真實發生緊❤️🐱 。」
「我人好簡單，有貓就讚😻。」
圖片來源：jasper.chan＠Threads