本地食肆的食安問題，經常遭人話柄。近日又有網民發文公審某間連鎖川菜店， 目測樓主叫了一客外賣，惟這客外賣川菜，竟然變了另類加料的「夾仔撈飯」，網民睇到O晒嘴。
網民owoao9760在社交平台Threads發文公審，講晒粗口大罵該連鎖店，勁嬲豬！不用多說，有圖有真相。
相片中，樓主應該點了一客川菜客食，有辣椒、有青椒、有大腸，正中還有大大隻竹夾「加料」，怪不得咁嬲，見到都覺得嘔心。
連鎖川菜店竹夾另類加料「夾仔撈飯」 ｜網民咋舌：唔使用餐具 攞個夾夾住食！
此情此景，網民們有咩好講？
有網民半開玩笑地留言：「個夾有保護色。」、 「真，唔放大睇唔到😂！」
「隻夾仔好入味，第時你窮，可以夾仔撈飯，你好X賺其實！」
「呢隻夾出嚟吮一下，夠送一碗飯！」（網民們越講越嘔心的說。）
「食XXX抵啦，送夾喎。 」
「廚房佬：廚房唔見咗個夾，大家有無頭緒？ 」
「個夾係俾你夾餸，唔收多你一蚊算好！」
「咁咪好囉，唔使用餐具，你攞個夾夾住啲嘢食。」
大家一片揶揄聲的留言，足以證明食安問題相當重要，本地食肆和餐飲業真的要多加注意了。
圖片來源：owoao9760@Threads