到餐廳進膳，周圍環境，餐廳氣氛尤其重要，食餐飯都可以調節好心情。本地連鎖扒房近年捲土重來，其中一間分店，被網民無意之中發現聘請兼職鋼琴師，大家頓感好奇，「鋸扒」有現場表演，那麼樣的浪漫？！
網民k.o_leung在社交平台threads有趣發文：「認真咩？好難想像到扒王之王會有現場音樂表演😂。」
原來，樓主偶爾看到一則招聘廣告，是「扒王之王」餐廳聘請兼職鋼琴師，每天三小時，時間是下午6時至9時，每星期三天。廣告特別提到，其職責是鋼琴伴奏輕音樂。
本地扒房「扒王之王」，屬香港的大眾化扒房，餐廳收費相宜，環境尚佳。不過，應該不是好多人知道，原來某間分店，晚上時段會有Live Band，即時「升呢」，格外有情調！
重點，鋼琴師還享有免費膳食福利。
連鎖扒房重出江湖兼聘請兼職鋼琴師 ｜有免費膳食卻被網民嫌棄：個價真係太低 對牛彈琴？
雖然鋼琴師有免費膳食的福利，但部分網民唔多Buy噃！
「無人要去扒王之王彈鋼琴 ！」、「唔怪之得星期六去到無 live music，經理仲話樂師病咗，原來係唔撈 🤣 。」
「永久病假。話時話，好唔好食？ 」
「認真呀，荃灣嗰間，現場真係有琴師表演。」
「有feel，想去！」、「對牛彈琴！」
不過，有網民卻嫌餐廳招聘琴師出手低！「$90-100…屋邨仔琴行教琴都唔會開咁嘅價，仲話要彈… 」
「收錢練琴？ 」、「但$90-100呢個價錢……」
「個價真係太低，任你點彈，就當佢Hea吓 ！」
大家有覺得招聘兼職鋼琴師的價錢合不合理呢？
圖片來源：k.o_leung＠threads