香港近日天氣惡劣，經歷連場豪雨，市民出入好不狼狽。港人近年網購的瘋狂程度不用多說，快件放到「出晒界」，客人未有依時認領的情況不是新鮮事。不過，在大雨下快件被淋至濕透霉爛，更是慘不忍睹！
日前連場大雨，有街坊在社交平台Facebook專頁「將軍澳主場」上載相片，有點無奈配文：「盡快拎取😮💨！」
圖片所見，一堆快件爛溶溶般已經好灰，在云云快件之中，其中一個霉爛紙箱，竟然跌出了兩條番薯！還好像沾有點點泥土，果然夠新鮮，新鮮快遞。
大雨快件濕到爛竟露出兩條番薯｜網民笑爆嘴：聽朝出太陽可以發芽啦！
Well，社會事，果然有許多千奇百趣，簡直十個趣！引起網民熱議。
「薯都要淘？😅。」、「落雨濕晒，聽朝出太陽可以發芽啦😀。」
「X你蕃薯都要淘😂！」、「嗱嗱嗱！地下條蕃薯🍠，我睇咗先！」
「親，你的蕃薯已到達目的地🤭。」
「香港買蕃薯好貴嗎🤦❓。」
此外，有不少網民亦有在社交平台發文，瘋傳多區的快件因為隨處放在街上，慘變「落湯雞」淋到爛晒之餘，部分快件更被大雨淋濕至嚴重變形。有網民亦作「警世」提醒：「雨季唔好上網買嘢住」。
圖片來源：Facebook專頁「將軍澳主場」、THREADS