心善，人則美。有網民偶爾看到一隻疑似蜜蜂在露台「暈倒」，突然記得用蜜糖可以救醒，真的Work！開心之際，樓主再翻查資料，原來拯救的懷疑是胡蜂，即是蜜蜂的天敵，帶有高度攻擊性，大驚之下質疑自己：有沒有救錯「蜂」？
這位脆友en.lmyin在社交平台threads發佈短片，分享救蜂趣聞：「一起身見到有隻蜜蜂🐝暈咗喺露台，突然醒起threads友話蜜糖可以救到佢條命！真係work喎！佢聞到陣味，即刻撲上去舔 、隔咗一陣飛走埋 😍。」
原本美好的一天，樓主還稱：「果然勿以善小而不為 🙏🥹」，豈料還有後續，樓主翻查資料，原來救的並不是蜜蜂，乃是有高度攻擊性，又稱「蜜蜂殺手」的胡蜂！自嘲不知好笑定好嬲？
以為蜜蜂「暈倒」在露台蜜糖救醒 豈料蜜蜂變胡蜂｜網民安慰：不要將胡蜂妖魔化
帖文一出，網民們立即開動安慰模式！
「我是一家香港保育蜂，研究授粉昆蟲的社企🐝。首先，多謝呢位朋友嘅善心！雖然網友們指出相中嘅昆蟲並唔係蜜蜂，而係胡蜂，但你願意停低腳步，主動去幫一隻受困嘅小生命，呢份對大自然嘅尊重同愛心係非常難得，絕對值得鼓勵。但無論係蜜蜂定胡蜂，大家都唔需要過分恐懼。胡蜂嘅攻擊性往往源於對巢穴受威脅嘅防衛，而唔係無緣無故要攻擊人類。希望大家唔好因為坊間嘅誤解，而將佢哋<妖魔化>。」
「從生態角度睇，胡蜂其實係大自然入面好重要嘅<捕食者>。佢哋除咗會捕獵蜜蜂，更多時候係幫我哋食蟲蟲，扮演緊維持昆蟲數量平衡嘅角色。」
「我做蜂保育的，其實每一種蜂都有佢大自然嘅工作，又唔一定淨係蜜蜂先至救，佢哋會幫手平衡其他昆蟲嘅數量，同時都會幫手傳播花粉，某一啲植物，甚至需要佢哋去幫手傳播種子，所以樓主你都做得無錯。」
果然大家經此一役，對胡蜂長知識了。更像保育蜂代言人所言，不要將胡蜂妖魔化便好。
「樓主你救咗個殺人兇手，多得你！❌其實唔可以咁樣諗，最主要係當時你救佢時候，因為唔想佢受苦嘅慈悲心。」
「笑咗😂，小善變小惡！」
「睇完條片覺得只係好人好事，睇埋留言覺得係震撼教育！」
「🐝：呢度免費派飯，等我call齊班兄弟搬過嚟住😂！」
「唔使驚，蜜蜂自己都有對付虎頭蜂嘅辦法。」
短片來源：en.lmyin@threads