餐廳食物質素貨不對辦，確實令人嬲嬲豬。「蜆」和「花甲」，大家又會傻傻分不清嗎？有食客最近光顧本地一間「花甲粉」專門店，店家聲稱用料全是日本花甲，不過食客食落一口便知真偽，直斥餐廳這樣劏客好暴利！
該位食客hkgourmet2026在社交平台threads發文公審，並嬲爆配文：「德福XX花甲粉，聲稱花甲粉裡全部都係日本花甲，並唔係蜆！街市沙蜆25蚊一斤、花甲最近平咗，都要40蚊斤，點解要扮？」
食客直指該花甲專門店的花甲「呃秤」，質疑店家沙蜆扮花甲!「作為一間花甲粉專門店，並唔係串燒店搭單賣花甲粉，一日先賣幾碗。就算深圳街邊檔，都唔會拎蜆冒充花甲，一碗最平$58，咁樣呃客，你都好暴利吓！」
樓主直斥該店的專頁宣傳，也表明是「蜆和花甲兩樣嘢分開！」不滿現在的餐廳食物，竟然兩者混為一談。
「花甲粉」專門店街市沙蜆扮日本花甲｜網民意見不一：花甲係代表老闆乃花甲之齡
帖文一出，網民們意見不一，有網民反揶揄樓主：「去Food Court食幾十蚊嘢，就唔好扮食家啦。」
網民幫忙揶揄店家：「花甲係代表老闆乃花甲之齡 。」
「呢啲一睇就知係雪藏蜆。」 、「蜆已經平，仲要雪藏😂。」
圖片來源：hkgourmet@threads