港鐵漏低嘢第N回，漏低的物品認真估你唔到！有網民捕捉了港鐵「失魂魚」，竟然發現車廂地上有一個顯眼紅色大型挽袋，答案揭曉，估計是原隻乳豬呀！咁都漏得到？
網民在社交平台facebook群組「香港乳豬乳鴿關注組」上載了一張轉載照片，背景明顯是港鐵車廂內，零零舍舍在地下放有一個顯眼的紅色大型挽袋，樓主推斷是原隻乳豬，孤單地被主人遺忘了。就連樓主也笑說：「東涌綫有人漏咗隻豬！」
港鐵又漏低嘢！有人遺下原隻乳豬｜網民哭笑不得： 拜神不見豬？！
看到這裡，網民們普遍也哭笑不得，港鐵新奇事，果然日日上演。
「一定去咗找二奶有靚湯飲🤭。」
「我諗住呢喺呢度可以搵到隻豬嘅主人，等佢搵返隻豬😅 。」
「漏咗隻豬🐷呀😂！」、「係天意呀！今晚加餸。。。」
「地上執到寶，問天問地拿唔到！」
「拜神不見豬？」、「拜神乳豬！？」
「買隻豬都要幾舊水！」
係囉，認真肉痛了，大家記得要小心財物，不要漏低物品了。
圖片來源：facebook群組「香港乳豬乳鴿關注組」