《東張西望》一向深入各區了解大小民生議題，近日有街坊向攝製隊報料，指石硤尾一幢公屋的後樓梯，最近幾個月突然被一對父子長期霸佔，情況嚴重。攝製隊前往現場，更拍攝拍到一家三口食飯及瞓覺的精彩畫面！
食飯+瞓覺精華畫面全曝光
根據《東張》7月6日播出的節目所見，團隊到場視察時發現，後樓梯的防煙門被人用紙碎封住，推開門後見到地上堆滿棉被、膠箱、膠袋膠樽，仲有大量調味料及飲品。
而窗戶上更掛滿衫褲，當中包括女性貼身內衣，顯示後樓梯已被當成私人居住空間使用；另有片段顯示，一名女子從升降機走出，同樣進入同一單位，原來是戶主太太。
其後，一家三口竟在後樓梯席地而坐開餐，有傾有講，氣氛看似融洽。但後樓梯環境悶熱，一家三口食飯時已大汗淋漓。