2026年中一派位結果今日公布，達95%學生獲派首三個志願學校，派位成績令人滿意。升中派位規則向來殘酷，有人歡喜有人愁。其中一位就讀「油天」油麻地天主教小學（海泓道）的小六學生朱同學，得知自己成功獲派傳統名校九龍華仁書院，在鏡頭前真情流露地高呼：「真係癲到爆呀！Happy Happy Happy！」
升中派位規則向來繁複又殘酷，學生們經歷來回地獄又折返人間的派位攻略和十倍努力，今天終於迎來中一派位結果！今年，中一派位結果有達95%學生獲派首三個志願學校，派位成績令人滿意。
今早網上瘋傳一位就讀油麻地天主教小學（海泓道）的小六學生朱同學，「超級無敵之開心」地向鏡頭興奮高呼，自己成功獲派傳統名校九龍華仁書院。由於該位朱姓小朋友反應實在太真情流露，在鏡頭前興奮得彈下彈下，彈足半個課室，隔着鏡頭，都感受到你的感動和興奮，恭喜晒！
該位男生的真誠反應，單是一個上午已經成為爆紅金句，全城熱話！朱同學對着鏡頭分享感受時，拍到他望着手中的派位結果，難掩High爆表情，更不時開心得雙手興奮舉起，與同學仔相視而笑：「我竟然可以入到九龍華仁書院，我要多謝父母默默背後支持我。我每天會用15分鐘時間溫習。有呢個成果，都好多謝我的同學和老師。簡直好像發夢一樣，真的好開心好開心。」
獲派九龍華仁朱同學一日爆紅「真係超級無敵之開心」｜ 網民笑爆：全程廣東話 條片係咪廿年後尋人記用？
朱同學的一席話，瞬間變為網絡金句，其可愛表情，大家好替你開心呀！
有網民更搞笑比喻：「每日用15分鐘溫書就入到華仁！大師兄：在座各位都係垃圾～ 」
「見到佢咁開心，我嘅反應就同呢位人兄一樣： 師兄都表示O曬嘴！」
「好犀利，唔怯場，又組織得幾順暢😂，又有小朋友既童真。」
「又係油天？名校真係名校，啲小朋友真係自信啲。」
「佢個樣幾似醫生😂 。」
「條片可以留返廿年後做尋人記用！」 （你又啱吖！)
「佢全程廣東話，溝少少英文已經好感動🥹 ！」
「仲有後面啲同學都真心替佢開心，成績好人緣又好，叻仔👍🏻。 」
「見到朱同學口齒伶俐，純正無懶音嘅廣東話，我都要多謝佢嘅父母同老師👏 。」
「我鐘意啲同學嘅反應，校風純樸 。」
「完全感受到佢好興奮😊，佢後面班朋友啲表情😂，想笑但又有啲尷尬嘅樣！」
「口齒伶俐，識感激幫助自己嘅人，以誠待人，人生已經贏咗一半！」
短片來源：網上片段