大聖爺突襲城隧轉車站？！留意，野生猴子出沒，並不是Panchi君來的！有網民拍攝到猴子在轉車站的有趣畫面，一隻猴子獨個兒出動，看中了車站一架紫色買餸車，企圖想盡辧法將買餸車「拆骨」！不過，馬騮似乎事敗而回，畫風突變，嬲咗！
網民horseflowerfish在社交平台分享「馬騮奇遇記」，事發地點，城門隧道轉車站！樓主更有趣小劇場一番：「大聖爺表示 ： 妖！！！ 開唔到呀！」
短片所見，一隻肥美的馬騮，看中了一架放在轉車站的紫色買餸車，車仔主人暫時不見了，馬騮行近「獵物」，實行我獨自升級一般，搶先霸佔買餸車！首先將車仔轉來轉去，用心研究「獵物」，繼而開始進擊地想「拆車」行動！但Mission有點Impossible，懷疑馬騮知道行動失敗，有點焦躁，畫面更有趣了。
樓主另有後續，原來買餸車的主人回來，終於知道有馬騮搶了其買餸車，女士緊張表示：「頭先俾馬騮搶車啊， 好彩有個男人，用把遮幫我整走隻馬騮， 我搶返架車，即刻衝上巴士！」
城隧轉車站有馬騮強搶買餸車？｜網民化身小劇場：馬騮童工推車，你有無出糧比佢！
帖文一出，網民們大呼猴子舉動可愛，紛紛化身Monkey小劇場，推測猴子怎樣和買餸車角力！
「野生的。不是Panchi 🐒。」
「以前話見膠袋就搶，而家進化到見車仔就搶！」
「呢架購物車封左膠紙，好安全喎😆 ！」（這位網民夠晒細心。）
「如果隻馬騮上咗巴士咁點算😂 ？！」
「馬騮而家連車仔都認到 ！」、「馬騮童工推車，你有無出糧比佢 ！」
「🐒：好肚餓呀！點鬼打開佢架？激死我喇！！！ 」
「請佢食啦，一次半次，佢又無錢買 👍👍👍 ！」
「好難想像咁大架車都搶得走 ！」
圖片來源：horseflowerfish＠threads