滿街賣相極討好的甜品，真的好想買回家即時吞落肚，滿滿的情緒價值！不過，有網民在社交平台申訴，明明在沙田某間連鎖餐廳，購買兩件粟子蓉丹麥酥（Chestnut Danish）原本賣相好精美的甜點，回家竟然秒變「爛泥」，搞乜鬼？！
網民在社交平台FACEBOOK專頁「香港茶餐廳及美食關注組」Po相，對餐廳嬲爆作申訴，並道出事件原委：「今日行過沙田新城市廣場 XXX(餐廳名)，見到個Chestnut Danish幾靚仔，買兩個返屋企食。」
然後，事主道出餐廳的奇怪包裝經過：「畀完錢跟住姐姐包裝，她一手放一張玻璃紙喺上面，我已經眼光光，跟住用張牛油紙包住，好似包糖果咁，仲想將兩個重疊放喺細紙袋！我問佢攞多一個紙袋分開放，佢話要兩張單先可以分兩個袋🤔。返到屋企面目全非，原本一個好好食，好靚仔嘅Chestnut Danish ，打咗一個折扣！」
看着樓主Po的出相，未包裝的滿滿粟子蓉丹麥酥，包裝後賣相真的慘不忍睹，打了個突。真的好肚餓都變了無晒胃口，極度趕客。
賣相極佳粟子蓉丹麥酥慘被包裝得「毀容」｜食客熱諷勁趕客：金莎朱古力與迷你砵仔糕混合體？
帖文一出，網民們皆替粟子蓉丹麥酥落得如此下場慘慘可憐，無辜辜地「死了」；同時好奇怪為何餐廳會這樣包裝甜點。
「其實正常應該放盒。」
「好奇怪，點會咁Pack！」、「就算無盒要用袋，都唔會咁包！」
「見到都唔開胃！」、「包到變形！」
「毀容？」、「變咗爛泥😢！」
「Simply kill😌。」、「仲要係Double kill 🤣🤣！」
「金莎朱古力與迷你砵仔糕混合體!! 🤭🤪」
「未見過栗子撻咁樣包，一定會用盒裝。」
「我會秒燥！」、「比我就鬧鬼佢！咁搞法叫佢自己要啦😤。」
圖片來源：FACEBOOK專頁「香港茶餐廳及美食關注組」