《東張+》接獲觀眾鍾先生報料，指於8月2日下午約4時15分，途經元朗朗屏邨寶屏樓對開朗屏路時，發現一輛HKTVmall送貨貨車停泊在行車線上落貨及執貨，質疑做法對駕駛人士構成安全風險。
元朗朗屏貨車霸快線落貨
鍾先生表示：「已經唔係第一次見到，架貨車停喺行車線做送貨同執貨，前面仲係一個彎位，駕駛者未必睇到前面有死車。」他指出，涉事位置旁邊其實設有避車處，但貨車未有利用相關位置，反而直接停泊於行車線上。
從鍾先生提供的照片可見，涉事HKTVmall貨車停泊於朗屏路其中一條行車線上。貨車停在一段彎位過後不遠的位置，車尾門打開，多個膠箱及紙箱放置於路面上。數名身穿工作服人士正在搬運貨物及整理送貨物品。
灣位後突現「死車」 街坊怒斥危險
而貨車旁邊設有防撞欄，而職員需要在路面範圍上落貨。附近並非正式上落客區或貨物裝卸區。從拍攝角度所見，由於道路前方帶有彎位，駛經車輛未必能提早看見停泊路面的貨車。
鍾先生認為，車輛停在快線位置十分危險，轉彎後司機反應時間有限，容易引致急煞車或切線，一旦有大型車駛經風險更高，「轉個彎見到有死車，真係嚇一跳，如果夜晚或者落雨會更危險。送貨都要揀安全地方停車。」