電召的士出入方便，不少市民寧願用錢買時間，實用值Get！不過，近日網上傳出一張圖片，懷疑有乘客刻意造假，叫的士司機求印500大元「附加費」？被全城網民質疑其立心不良，似是另有企圖。
近日，網上瘋傳一張電召的士訂單，內容是關於一位乘客，疑是從長沙灣凱樂苑凱碧閣，前往赤鱲角「菜鳥智慧港」跨境電商物流中心。奇怪的是，訂單上列明貼士300元、要收據；另有一項備註，表明要將附加費打落收據上，需打500元。
看到乘客大方付費貼士300元，沒有大問題；但反而主動要求司機要在單據上懷疑造假！難怪樓主禁不住配文：「攞呢張單去廉署都好喎😂！」
乘客電召的士竟要求「的哥」單據印上附加費｜網民質疑另有企圖：要打大數一定立心不良！
網民們看到這樣奇怪的電召的士單據，即時惹來眾人熱議，紛紛推測該位乘客另有所圖！
「有內鬼！終止交易😎！」
「應該睇吓邊個司機接咗報去警署就啱。咩叫$300貼士😂。」
「應該Send俾菜鳥啲高層睇！」
「坐幾多錢畀幾多錢收據，就係正常不過，要打大嘅，一定係立心不良！」
「賺五百😮 ，分三百比人、 呢啲小生意😑，做唔過。」
「我理解係：車資+$300（貼士），張單係齊頭$500？！」、「點解釋可以開到$500？」
另有網民反而力勸大家勿「多事」了：「其實你哋係咪好X得閒，打風個客肯加錢，仲搞咁X多嘢。」
「有錢你就賺啦！」
圖片來源：facebook專頁「的士司機資訊網Taxi」