日本軍用手票，Gen Z們，知道是什麼來嗎？這是日本在二戰及侵略期間，於佔領區強制發行的代用貨幣，又名「軍票」。不過在戰後的日本，因為不能兌現，軍票早已淪為廢紙。今時今日，有網民竟在北角七姊妹道，拾得香港日佔時期軍票，還說不只一次拾到！當樓主想據為己有，私自收藏之際，其他網民警世提醒，唔‧好‧執！
有網民該在facebook社交專頁「Oh Yes! 有野執 (報料群組)」發相，並配文說自己尋到寶：「北角七姊妹道，軍票一疊！」樓主還說，「是我第二次於北角區執到一疊軍票， 點解有人會將啲軍票掉喺條街度？」
樓主所拾到的軍票，翻查資料，其實是在香港日佔時期，日軍強逼市民，將港幣交出並兌換成軍票。可是，戰後日本卻不予兌現，令無數港人的軍票血汗錢，一夜之間淪為廢紙。如今，時光倒流出現在七姊妹道，確實有點詭異。
七姊妹道拾得香港日佔時期「軍票」｜網民警世文提醒唔好執：可能是家人遺物來！
帖文一出，網民們一看到樓主說要拾回私下珍藏，還是警世勸導，不要拾起較好，全因一個原因。
有網民打趣離題：「交畀日本領事館。」
「我可以同你講肯定係邪門嘢，有無聽過街上既錢唔好隨便執 。有人用呢招借陽壽！」
「喺街上唔好亂執嘢，而且係古錢！亦有可能係買咗執錢人某一樣嘢。」(越說越恐怖了。)
「老人家百年歸老，家人清理遺物。」
「雖然唔通用，但都唔好執返屋企玩。」
「呢啲軍票，好可能係某個老人家或親人家當都未定。可惜日本人無贖返啲軍票，老人家等唔到呢一日，真係時代眼淚…😢。」
「就嚟舊曆七月，咁邪！」、「係咪某種形式的路祭呢？」
「捐去歷史博物館。」、「仲值錢咩？ 第三次世界大戰都嚟！」
「應該係遺物？唔執好過。」
「呢啲都係嗰代香港人嘅血汗錢，重光後就變晒廢紙！無奈😣。」
「大開眼界，未見過軍用票😱。」
雖說是軍票甚有珍藏和紀念價值，不過古錢和軍票這回事，還是小心一點來歷好。
圖片來源：facebook專頁「Oh Yes! 有野執 (報料群組)」