觀眾報料片｜黃埔2賊停車場扑車窗偷竊 一賊落手爆玻璃一賊開車接應

《東張西望》日前報道，兩名賊人本月24日在黃埔蔡瀾美食坊停車場伺機扑車窗偷竊，當日共有兩車遭受損失。
《東張+》今日（26日）亦收到兩名觀眾報料影片，拍到現場情況。據周先生提供車cam片拍到賊人向其中一輛車落手整個過程。片中見到，兩名賊人開車到停車場後，一人落車四周查看停泊車輛的車廂內是否有財物。
其後賊人見到灰色私家車的車廂後座有手袋，立即上車疑取硬物，再走到灰色私車旁，扑爛左邊後車窗，偷走一個手袋，施然上返接應車輛偷走。
影片亦拍到，車主和友人約2分鐘後返到現場，立即報案。
另據受損車輛女事主提供影片見到，後車窗被整塊扑爛，地下和車廂後座都布滿碎玻璃。據警方表示，案件目前正由九龍城刑事偵處調查中。