踏入2026年，香港楼市承接2025嘅颓势，继续出现唔少银主盘。好似今日嘅主角、一个嘉湖山庄丽湖居大单位，本身业主理应完成供款，最后轮为银主盘，究竟咩事呢？
今次主角，系原于物业拍卖行忠诚集团于1月8日嘅拍卖物业。单位位于嘉湖山庄丽湖居10座一个中层A室单位，原业主于2004年以143万购入单位，属於单位嘅第三任业主。而第二任业主更好好彩，因为佢从一首业主手上，以蚀让5成2嘅价钱（即129万），于2004年购入，再摸货两个月后卖俾今次嘅业主，微赚14万。
而今次嘅业主持货21年，理应已经完成按揭供款，相信业主事后以楼契加按，但又未能还款导致变成银主盘。依家拍卖行嘅叫价系390万，如果能够直接呢口价接货，到底抵唔抵买？就同大家睇睇两个数据，以汇丰银行嘅网上估价计算（2025年12月31日），单位嘅估值系550万，比拍卖价高出160万；另一个参考数据系同一柱嘅28楼A室，于2025年3月成交，当时嘅成交价为515万，同拍卖单位都有125万嘅差距，所以如果能够以拍卖第一口叫价入手，其实都唔错。
呢个单位嘅实用面积635平方尺，属于三房套厕设计，单位布局非常好用，唔单只有梗厨，入门口嘅左右区域可以明确地分隔出客厅区及饭厅区。主人房嘅浴室设有浴缸，而客厕则设有企缸。据拍卖行提供嘅相片睇到，单位虽然保留住当年一首买入时嘅装修，充满住大量嘅使用痕迹，不过都无明显嘅结构老化问题，相信新买家只需要进行一次全屋油漆翻新，集中资源翻新厨厕就可以使用。
嘉湖山庄丽湖居物业 拍卖开价390万
📍 物业地点：天水围天葵路3号嘉湖山庄丽湖居(第10座)22字楼A单位
🏘️ 物业面积：635平方呎
📏 平均呎价：约6,141.7港元
💰 拍卖开价：390万港元
📅 拍卖日期：1月8日（星期四）下午3时
✍🏻 物业编号：26010802
🔑 拍卖地点：中环德辅道中84-86号章记大厦３楼Ａ室
延伸阅读
香港楼市｜居屋2025明年第二季推8316伙 市价七折发售 即睇六大屋苑位置/楼价/实用面积/关键日