楼价160万，呎价计落只系HK$6,061呎，港铁站喺正楼下，10步之内入港铁出入口，听落系咪觉得系一个笋盘呢？咪住，听晒先断定呢个盘值唔值得入手啦！
超近筲箕湾站｜48年楼龄《金来大厦》拍卖楼盘
今次主角来自环亚物业拍卖行，将于1月13日拍卖嘅物业，位于筲箕湾嘅金来大厦高层F室单位，实用面积264平方呎嘅两房单位。呢个单位原本都有放上地产代理公司出售，叫价250万。不过今次受到法院令及业主命被公开拍卖，拍卖嘅底价为160万港元，比叫价折让3成6，平均呎价只系HK$6,060.6。
参考返近期成交嘅数据，上年年中有一间17楼A室，实用面积282平方呎单位以280万成功出售，平均呎价HK$9,929﹐比今次拍卖叫价嘅平均呎价高出3成9。
先同大家讲讲佢嘅优点，呢个单位位于筲箕湾站B2出口旁透，由单位去港铁站几乎全程有瓦遮顶。楼下周边有大量民生小店，包括食肆、宠物店、杂货店、理发店等。另外，单位位处高层，主要窗户向东南面，望向鲤鱼门公园嘅西湾山，算有开扬嘅景观。
至于缺点，从拍卖行提供嘅相片见到，全屋嘅房间、厨房、浴室都陈旧污糟，新买家绝对需要预备一笔资金进行全屋装修，例如地板重造、更换全屋水喉、电线、冷气机、浴室设备等，预计额外资金要准备40至50万。另外，呢栋大厦楼龄已经达48年，所以里里外外都非常陈旧，未来有机会需要集资进行大厦维修。
金来大厦17字楼F室
📍 物业地点：筲箕湾杜云里2-12号及筲箕湾东大街42-52号
🏘️ 物业面积：264平方呎
📏 平均呎价：$6,060.6港元
💰 拍卖开价：160万港元
📅 拍卖日期：1月13日（星期二）下午3时
✍🏻 物业编号：00019140
🔑 拍卖地点：尖沙咀弥敦道222号恒丰酒店2楼宴会厅
延伸阅读
香港楼市｜2025二手楼成交之王揭晓！日出康城录645宗称冠 荃湾一楼盘交投急升4成 热点屋苑分析