银主盘😱红磡启岸197呎开放式单位｜低估价20%💰座东向西🧭拥开扬城市景

早年好多新盘大推开放式单位，升市时有少少溢价，但到跌市时成为重灾区。今日分享一个市区、位于红磡马头围道嘅高层开放式银主盘，拍卖起始价298万，低汇丰估价足足两成，系咪入手之选？立即睇睇！

银主盘拍卖价298万｜红磡启岸高层开放式单位

今次嘅银主盘来先环亚物业拍卖公司，于3月3日拍卖嘅项目。物业于2021年落成入伙，属于状态极新嘅半新楼。从拍卖行提供嘅相片睇到，单位内嘅装修新净，新买家入手不需要考虑全屋装修，系呢个银主盘一大卖点。

另一大卖点系启岸嘅设计，虽然物业系单栋式设计，但由于地皮够大，所以大厦以L形为设计，一层23伙。会所设于大厦顶层，设有Infinity Pool泳池及最高嘅健身室，望向维港景色。

不过，呢个单位嘅实用面积由于只得197平方呎，属于开放式单位，空间有限，喺跌市嘅时候都算系跌幅较大嘅物业，唔算太受欢迎。参考土地注册处资料，上手业主于2019年用561万，以楼花形式买入单位，单系以今次银主盘起始价298万去比较，跌幅相差已经达263万。再睇睇HSBC及中银嘅估价，前者373万、后者348万，开价低估价约14%至20%。

再睇过往成交数据，以同一柱嘅19楼D6室去比较，去年5月二手成交价为330万，成交呎价HK$16,751，因此今次拍卖行嘅开价，相信都符合买家对银主盘嘅预期。