150万就可以做业主，单位除咗室内空间，仲有个天台添！够唔够吸引呢？今次主角再出现叙利亚风嘅旧楼物业，位于西营盘皇后大道西235/237号嘅旧楼，于1972年落成，至今都有54年楼龄嘅银主盘。
银主盘｜西营盘皇后大道西旧楼
今次嘅银主盘来自忠诚集团嘅拍卖项目，单位位于西营盘皇后大道西235-237号一栋旧楼。从网上资料显示，整栋楼宇于1972年落成，距离至今足足54年历史。而拍卖单位位于顶层嘅5楼B室，实用面积257平方呎一房，楼契仲包括一个229平方呎嘅天台。
从拍卖行提供嘅相片见到，单位唔单只空间细，装修嘅状态陈旧破烂，似叙利亚打仗后嘅景象。另外，相信天台有潜在嘅漏水问题，导致单位嘅客厅及房间嘅天花破烂到要用胶袋遮盖，以免被剥落嘅石屎击中。而客厅嘅墙身都有严重嘅破烂，相信新买家需要大笔资金进行修葺，单位先可以再次住人。
讲讲今次银主盘嘅优点，相信系佢嘅交通网络。由西营盘站A1出口行到楼下，不需30秒就行到。另外，附近周边由于发展多年、配套相当成熟，所以饮食及民生小店有齐。所以对于有兴趣竞投嘅买家嚟讲，唯有一谂嘅系买嚟自住定投资搏收楼重建，前者需要预留非常大笔资金用作修葺，后者的就要睇睇150万呢口起始价会否太贵喇，因为计一计，呎价都要HK$5,836呎。
西营盘皇后大道西235/237号5字楼B单位连天台
📍 物业地点：皇后大道西235/237号
🏘️ 物业面积：257平方呎＋229平方呎天台
📏 平均呎价：$5,836.6港元
💰 拍卖开价：150万港元
📅 拍卖日期：4月15日（星期三）下午3时
✍🏻 物业编号：26041505
🔑 拍卖地点：中环德辅道中84-86号章记大厦３楼Ａ室
延伸阅读
香港楼市｜唔使3球！屯门黄金海岸476呎银主盘 低银行估价近3成 值唔值上车？