《中年好聲音4》最近分別於海外以及大灣區舉行海選，剛過去嘅星期日就再重返香港，幾位評審繼續於電視城同參加者見面喇。晚間嘅非直播時間就見到早早事先聲明將會參加嘅富商 鄔友正 出場，雖然因腳傷未癒仍要以拐杖協助，不過佢仍面帶微笑獻唱。
佢嘅前港姐冠軍太太 翁嘉穗 亦陪住佢到場參加，事後佢就指自己演出嚴重失準，睇嚟唔太滿意自己表現，佢受訪時亦話自己唱歌日子太淺，仲有太多嘢要學，雖然過往多次被指歌喉一般，但自己就認為要試過先知，所以繼續參加喇。
翁嘉穗就話老公參加前整月都努力練習，已經有唔少進步喇。鄔生本人就話只係學習3個月，認為非常好笑咁話。
下午亦有多位強勁參加者現身海選現場 (見另文 https://www.mytvsuper.com/tc/scoopplus/entertainment/e-news/15804912018956 )，而晚上亦有多位熟悉面孔參與，好似前藝員同事 陳婉婷 同 布偉傑 都先後出場，佢哋亦都話重返電視城感受良多，希望以另一個面貌再同大家見面呀。
