紅姑參觀紙包飲品盒回收廠 慨嘆香港環保政策落後

之前志記鎅木廠因為不獲續約而面臨清拆，當時志力推動環保嘅紅姑鍾楚紅得悉消息後，就有即刻到場打氣兼為志記發聲，希望相關部門可以回心轉意續約畀志記。最近全港唯一一間可處理紙包飲品盒嘅紙品回收商「喵坊Mil Mill」，亦突然被告知不獲續約，紅姑知道消息後，日前即去到「喵坊Mil Mill」位於元朗嘅廠房參觀。

紅姑指自己一直被綠色團體所啟發，令佢知道喺地球上生活嘅每一個人，都有責任去保護同珍惜腳下嘅家園，紅姑話由當年市民嘅環保意識唔高，連BYOB （Bring Your Own Bottle）都要呼籲，到面家好多香港人都會自備購物袋，環保意識有所提升，但可怕嘅係咗多年嚟政府嘅政策同步伐都仲係好慢好落後，甚至要靠民間團體等去推動。

參觀完喵坊之後，令紅姑感觸良多，佢話：「雖然負責人Harold不斷強調在商言商，但他是本地唯一的回收廠，選擇回收價值低的紙包飲品盒，為香港舒緩廢物問題，履行社會責任的良心企業，就這理由就足以令香港政府去支持和驕傲於香港人的靈活應變和在有限的資源下盡顯所長。」