新年前後繼續趕拍新劇 王敏奕自認狂迷蘿蔔糕

話咁快農曆新年假期就放完喇，大家雖然今日返工都會初五咁嘅樣，不過新年新氣象，有咩事笑吓就過啦。而新年前後都一直要趕拍新劇《虛擬情人》嘅 王敏奕 ，亦繼續要日以繼夜拍攝，不過新年期間就一樣把握住時間同家人共聚喇。

唔少人都對新年各式糕點有自己嘅一番獨特口味，而最鍾意食蘿蔔糕嘅Venus，就話一定要用好多唔同醬料一齊食先過癮咁話喇。佢仲曾經喺屋企自製，不過就話次次整都有唔少壓力，次之都驚整得唔夠好食呀。

新一年佢又希望大家都身體健康，Venus仲話希望大家今年開關之後都可以玩返夠本，過一個愉悻嘅兔年呀。