連詩雅公布升任準媽媽 龍年將升呢難掩喜悅

去年4月同 陳家樂 舉行盛大婚禮嘅 連詩雅 ，於元宵佳節喺社交平台公布喜訊，宣佈已經懷孕成為龍年準媽媽。

Shiga留言話：「好開心終於可以同大家公佈呢個喜訊 我哋一直抱住平常心等待上天嘅安排 嚟到2024居然收到呢份最大嘅禮物 知道一刻 好開心興奮同時好緊張 希望一切順利 寶寶今個暑假平安健康嚟到同我哋見面 最後今日元宵佳節 祝大家元宵節快樂 龍年心想事成開開心心」。

Shiga同家樂宣布成為準父母

而準爸爸陳家樂亦都同步公布好消息，亦都留言指：「等左幾個月終於可以同大家講啦！感謝天父！！🙏🙏🙏比機會我做爸爸！！！辛苦陳太呢幾個月又要開工又要小心就住就住！我以後會再努力啲工作！照顧你地！！」。