克勤財政大權全交盧淑儀處理 官仔骨骨拍銀行新宣傳照

李克勤 呢日以品牌大使身份出席銀行活動，又公開全新宣傳圖片。克勤多年來積攢唔少財富，一向視家庭為生活重點嘅佢，就指一向都將財富管理交由太太 盧淑儀 打理，而「財政大臣」亦同銀行嘅專業團隊將投資規劃妥善安排，自己就可以專心工作安枕無憂咁話。

一向視家庭為首位嘅克勤，指自己嘅財政大權交晒俾太太同銀行管理

克勤仲大讚老婆嘅投資眼光話：「做得理財顧問，當然有一定有水平。」作為品牌大使嘅克勤早前亦為銀行拍攝全新宣傳相片，當日以克勤鍾情嘅「官仔骨骨」西裝造型示人，雖然克勤指自己唔會沉迷電子產品，不過手機為自己處理日常大大小小事務，所以一向機不離身。

另一張宣傳照則以錄音室為背景，早前完成巡演嘅佢仲分享今年工作日程已大致排滿，不過仍會抽空陪伴家人同參與熱愛嘅高爾夫咁話。