蔡卓妍(阿Sa)、韓國男團SHINee成員珉豪及泰國男星Dew呢日一齊現身活動,阿Sa之前為咗TWINS演唱會努力做運動,目前仍繼續保持健身。阿Sa坦言工作好忙碌冇咩時間休息,又指去旅行攰過返工,阿Sa呢日跟兩位唔同國籍嘅高大靚仔同場,令朋友非常羨慕;早前阿Sa同關智斌被催兌現「婚約」,被問兩位型男定關智斌靚仔啲,阿Sa笑住講當然係關智斌,更叫關智斌做「老公」。泰國男星Dew再訪港,佢表示心情興奮,最愛打邊爐真係百吃不厭!