與王梓軒攜手任監製拍劇 石祐珊未有預家燕姐參演

王梓軒 同薛家燕大女 石祐珊 呢日現身影視展，宣布首次攜手擔任監製開拍網上短篇劇，預計會拍攝8集於串流平台播放。新計劃正處於籌備階段，佢哋就話過程都有唔少困難，因為佢哋呢次喺改編著名小說《網內人》，情節曲折離奇，但因為劇集時間有限，要將情節濃縮的確唔容易，點樣可以保持原作嘅魅力，又保留團隊的風格，就係一大難題喇。

製作團隊目前正物色演員，Jonathan話有計劃舉行大規模面試，佢仲話因為情況尷尬所以就唔會參與演出喇，而珊珊亦都話因為個題材比較沉重，所以未必適合媽咪家燕姐演出咁話。

同場仲有泰國影帝Ananda Everingham以及三位女演員 Mint Chalida Vijitvongthong、Mookda Narinrak 、Mafgie Rasri Balenciaga宣傳新劇，佢哋除咗忙於工作，當然都有趁機周圍觀光啦，Ananda話呢次係佢自從疫情後首次來港，特別鐘意香港嘅美食，而三位靚女當然好享受去尖沙咀Shopping，同埋飲茶食海鮮。