StarTalk｜諧星賈玲增肥拍《熱辣滾燙》 怒抗生活巨浪減百磅上擂台

內地女諧星 賈玲 年前一部向親生媽媽致敬嘅《你好，李煥英》大收，令呢位身兼女導演以搞笑為主嘅演員，一躍而成全球第二高票房嘅女導演。肥嘟嘟嘅佢早前神隱多時，原來就係秘密練兵，為新作《熱辣滾燙》拍攝增完肥再怒減100磅，勵志又熱血嘅中年故事，就順理成章成為內地春節期間嘅電影票戶之冠喇。

片中以拳擊一拳又一拳打低自卑又不堪過往嘅 賈玲 日前接受 王鎮泉 《StarTalk》視像專訪，呢位百億身價導演，以令人耳目一新嘅面貌同大家見面，又指希望新作令大家了解愛自己係人生中一個最重要嘅課題。

笑言要瘋狂增肥再地獄式減磅嘅角色冇人肯做，而親自上陣嘅賈玲話自己接近角色嘅形象，亦為角色增磅到210斤(約230磅)開始拍攝。唔止角色沉鬱，拍攝過程要邊拍邊減亦需要強大意志堅持，賈玲就指想像觀眾嘅得著同驚喜，就係最大嘅動力，不過當中亦經歷唔少挫折，但係從未諗過放棄。

由230磅到拍到有腹肌，其中紀念式花絮見到佢嘅淚水，其實係對自己成功而又驕傲嘅眼淚，堅持到減肥，又堅持到同真全國冠軍拳手同場真打，賈玲最希望觀眾受到鼓勵努力為生活奮鬥。