林子善上山下海執垃圾 親身體驗輪椅武術

綜藝節目《一個好人》於3月25日播出嘅第 4 集,子善拜訪咗成立執垃圾群組嘅冼力求()同貓哥提供義務搬屋同埋轉贈傢俬服務嘅細傑。子善跟隨貓哥體驗上山下海執垃圾,子善分別去到防波堤、上山同撐船出海執垃圾。

呢集一個好人係貓哥。子善跟住貓哥上山下海執垃圾。

眼見垃圾無處不在兼執極都有，子善坦言:「啲垃圾係不斷無限輪迴,執完又有執完又有,一路執時我都會有啲憤怒(點解啲人會亂掉垃圾),我問貓哥感受係點?佢話:『唔係㗎子善,係好玩』。」貓哥更以樂觀心態面對:「冇諗過嬲,我都係人嚟,都會製造好多垃圾,但你適當咁處理咗咪得囉,唔好令垃圾去到大自然。依家我識行識走,如果我攰就做少啲囉,體能 OK 就繼續當做運動囉,呢個運動係好經濟,唔使畀月費,所以 OK!」

另一個好人係細傑。早前香港受到「世紀黑雨」侵襲，上水石湖新村慘成重災區，細傑二話不 說將傢俬送畀一班村民。

另一位好人細傑 2022 年開始進行義務搬屋和轉贈傢俬工作,細傑出心出力不求回報默默幫助有需要的人,早前香港經歷了「世紀黑雨」侵襲,上水石湖新村慘成重災區,細傑即時將貨倉所有的傢俬贈送給村民,非常有心。子善問到有否遇過貪心人時,細傑坦言曾經有受贈者將傢俬轉賣,但佢並未因而氣餒,佢話:「冇諗過放棄,唔好諗人哋係咪呃你,做咗自己覺得啱嘅事先。」

呢集一個好人係李安東。子善體驗輪椅武術，跟隨穎恩和嘉敏學習跆拳道。

26日播出嘅一集,子善拜訪咗創立輪椅武術嘅李安東李 Sir 同中醫師林家揚。李 Sir 分享創立輪椅武術嘅原因:「除咗希望幫助傷健人士建立自信,亦希望可以話畀大家聽將不可能變成可能!」子善喺節目中坐上輪椅體驗輪椅武術,佢話:「每一打吓都痛,完全係發唔到力, 坐輪椅嘅朋友練呢個武術,係超乎想像咁難!」

第二位好人係中醫師林家揚。

之後子善跟着李 Sir 兩位徒弟穎恩同嘉敏學習跆拳道,前者係亞伯氏症患者、後者係因事故要坐輪椅,穎恩和嘉敏教得頭頭是道,子善事後大讚:「我手腳係比較唔靈活,但佢哋教得好好、好細心,唔會畀一個正常教練輸蝕。」

林醫師帶領一班小好人做義診，無私精神好值得大家學習。

子善跟住林醫師同一班小義工去到坪洲探訪老友記,子善問林醫師點解諗到帶領小義工做義醫?林醫師話:「老友記好鍾意小朋友,見到小朋友就特別開心、興奮,又可以畀小朋友知道咩係愛同關懷。」對於林醫師嘅義舉,子善大讚:「林醫師嘅能量好大,但一個人未必足夠,好感恩有好多戰友幫佢。林醫師係一個好人,佢影響到好多小好人走咗出嚟!」 子善仲會同一班老友記跳手杖舞,非常有愛。

子善教一班老友記跳手杖舞。

《一個好人》逢周一至三晚 10 點半翡翠台播映