再見‧枕邊人丨張曦雯怨氣大爆發設法加害黃智雯 一身黑衣揸車狠撞情敵

TVB劇集《再見‧枕邊人》進入尾聲之際，張曦雯（Kelly）對黃智雯怨氣完全表露無遺，不斷設法加害晴天，啱啱播出嘅呢集講Kelly仲狠心到揸車撞向晴天同囝囝。

不過咁驚險嘅一幕，當然要交畀專業人士處理啦！Mandy就話因為對武師好有信心，所以拍攝嘅時候一啲都唔驚，佢仲講笑話如果係Kelly自己揸，可能就係另一回事！而佢亦大讚劇組做足安全措施，尤其對小演員更加保護周到。

Kelly以一身全黑裝扮拍攝呢場戲，全副武裝投入角色，驟眼睇真係認唔出係佢，同劇拍檔羅天宇笑言Kelly一身裝扮成個𡃁仔咁，真係完全認唔出。Kelly續指自己休息嗰陣坐喺街邊，連途人都認佢唔出，認真搞笑！