獨家丨炎明熹為個唱積極排舞 爆歌單與嘉賓同樣有驚喜

Gigi炎明熹 三場個人演唱會將會喺今個月中舉行，最近佢就積極為個唱排練，呢日Gigi仲返到嚟電視城向排舞老師調整舞蹈細節，見Gigi細到連撻手指都要盡善盡美，希望每個動作都可以完美咁演繹出嚟。

對自己要求非常高嘅Gigi，就話自己呢日嘅表現未算最好，佢希望之後自己每個動作都可以做得再靚啲，亦會再向跳舞老師請教。

Gigi個尋原本係為佢嘅處女個唱補場，但因為反應太好所以加開咗兩場，亦因為咁今次個騷內容大致相同，不過歌單同嘉賓方面就會有加碼，希望畀Gi炎粉驚喜呀！

講到之前為歌神許冠傑演唱會擔任嘉賓，同時要兼顧兩個騷嘅Gigi，都話擔心會撈亂咗，但同時亦期待兩個演唱會可以帶畀觀眾唔同嘅驚喜呀。